غرد وزير الثقافة القاضي محمد وسام المرتضى عبر حسابه على التوتير لمناسبة ذكرى عاشوراء حيث استهل التغريدة بقول الامام الرضا (ع) :”رحم الله من احيا امرنا”
‏ وأردفها قائلا:”شعر رائع باللغة المحكية عن ⁧‫#الإمام_الحسين‬⁩(ع) للصديق العزيز الشاعر الكبير نزار فرنسيس مما يؤكد ان الحسين ليس لفئة أو لمذهب ،انه رمز للإنسانية جمعاء
حيث يقول فرنسيس :

لو كان إلنا حسين وصحابو
كنّا عشقنا غبرة تيابو
وْكنّا فتحنا الكنايس للتعازي
وْجبَرنا الدهر يحنيلو رْكابو
لو كان إلنا حسين وصحابو..

لو كان إلنا حسين شو عملنا؟
كنّا حملنا سيوف قاتلنا..
نعمة لو بيكون حسين إلنا
ونركض بلهفة نموت ع بوابو..
لو كان إلنا حسين وصحابو..

لو كان إلنا حسين مسيحي
كنّا انسَمينا بْديننا بإسمين
وكنّا ندهنا للشمس زيحي
غيبي ارحلي ما زال غاب حسين
ما عاد بدنا الشمس بغيابو
لو كان إلنا حسين وصحابو..

ولو مش لإلنا حسين وصحابو
المفروض نقرا الحق بكتابو
ونفتح بواب قلوبنا لحسين
وبكلّ سجدة نحسب حسابو
ولو مش لإلنا حسين وصحابو..

هيدا حسين الكلّ مش للبعض
ثورة على الظالم بكل الأرض
لازم بيومو ع الخليقة فرض
نبكي على المظلوم ومصابو
ونصرخ لإلنا حسين وصحابو